سيد أحمد الهمشرى يكتب: رسالة إلى الرئيس القادم

صدقنى قلبى معاك والله يـــــكون فى الــــعون
علشان هتحكم وطن فيه ألف صنف ولـــــــون
وكلـــــهم فى الميدان قاعديــن على الــــــوحدة
خايفين يشيلوا هامــــان يطلــــــع لهم فرعــون
.........
صدقنى قلبى معاك وأوعى يا صاحبى تنــــــام
وتفكر أنك خلاص واحد من الحـــــــــــــــــكام
دا أنت وقعت ومـــــــحدش قام يسمى عليــــــك
والشعب عــــــايز رئيس عند الوطن خــــــــدام
.........
صدقنى قلبى معاك وكل مصر مــــــــــــــــعاك
الحمل غالى وتقيل لازم نشيل وايـــــــــــــــــاك
وطول ما أيدك فى أيد الشعب راح تنـــــــــــجح
ومنين متمشى هتلقى مـصر ماشـيــــــــــه وراك
.........
صدقنى قلبى معاك بس أنت متـــــــــــــــــخافش
وعن طريق القانون حـــــاول مترجعشــــــــــــي
خليك ديمقراطى عند الساقطة واللاقطـــــــــــــــة
والأغلبية كلامـــــــــها بالأصول يـمشــــــــــــــى
..........
صدقنى قلبى معاك وســـــــهرت أدعيلــــــــــــك
ورغم فرحــــى الكبير أنــا خفت أغنيلـــــــــــــك
خايف النهارده أغنى وبكرة أبكــى عليـــــــــــــك
خايف ريــــــاح الغرور تطفى قنــاديلـــــــــــــــك
.........
مد أيديك للبلد خليها ماســــــــــكه إيديـــــــــــــــك
والبنت ذى الولد خليـــــــها غالية عليــــــــــــــــك
وارفع رايات العمل عالية فى كل مكـــــــــــــــــان
علشان كتاب التاريخ هيقول قراره فيــــــــــــــــــك
.........
صدقنى قلبى معاك وقلب الأمة دى بحالهـــــــــــــا
برجالها وكهولها وبنسوانها وعيالــــهــــــــــــــــــا
لازم تكون مصر على قلب رجُل واحــــــــــــــــــد
علشان نعيد مجدها ونذل عزالــــــــهــــــــــــــــــــا
.........