هبة عرفة تكتب: يارئيس الجمهورية

يا رئيس الجمهورية...
مشكلتى مش قضية ...
انا عايز الحرية ...
تكون ملك ايدية ..
مش مجرد ترقية ..
تاخدها وتيجى علية ...
خليك اد المسئولية ..
واقضى على الامية ...
وخلى بلدنا هنية .....
وارفع عنها الاذية ...
وخليها بالضحك متهنية ....
وخدنا شوية شوية ........
يارئيس الجمهورية .....
ورينا طلتك البهية ...
من غير شعارات رنانة ...
تتكلم عن الامانة ...
ومن جوة فاضية ......
عنوانها الخيانة ......
يارئيس الجمهورية .......
مشكلتى مش عويصة ...
ولا قلمى محتاج لابيسة ...
ولا بيهيص فى الهيصة ...
دى مجرد كلمة شقية ...
بتحس فيك الوطنية ....
وبتقولك صحى ضميرك ..
وقومه من تحت البطانية ...
يارئيس الجمهورية .........
قوم من النومة شوية .....
امشى ساعة الصبحية .........
شوف حالة الرعية ........
وهما روحهم ابية .....
ضد الناس القوية ........
يارئيس الجمهورية ......
عايز ادخل المئوية .......
وبقدم الف تحية ........
لكل روح فدائية .........
يارئيس الجمهورية ..