باسم يوسف يتبرأ من حساب وهمى له على "فيس بوك"

قام شخص بانتحال شخصية المذيع باسم يوسف على موقع التواصل الاجتماعى "فيس بوك"، حيث قال "قدامك 3 حلول، يا تقاطع وفى الحالة دى لو شفيق نجح متلومش إلا نفسك عشان هنتسحل ويطلع عين أهلنا، يا إما تبيع ثورتك وتنتخب شفيق بالعند فى الإخوان عشان خاطر أنت مختلف معاهم فى بعض الحاجات، وفى الحالة دى تستحق الموت، لأنك بعت ثورتك وبعت دم إخواتك اللى ماتوا عشانك، ياما تنتخب مرسى وتقول الحمد لله، قدر الله وما شاء فعل، وأهو أهون من اللى قتل وخرب ودمر وسرق، وأهو على الأقل نكون حققنا هدف وهو إسقاط الفلول.. ده رأى وبالنسبة لى صوتى لمرسى عشان معنديش حل بديل".

ونفى يوسف كل هذا الكلام على حسابه الحقيقى على فيس بوك وتويتر قائلا،"مين السمج اللى بيقول أى كلام ويحط صورة خلق الناس عليه ده، بالرغم أنى ضد شفيق بكل قلبى، أنا ما قلتش الكلام ده، لو سكت الكلام حيزيد ويطلع كلام من نوعية تانية".