محمد حامد حسين يكتب: على الطريقة الريفية

قعدت انا بالجلابية
بعد الغدا فى العصرية
فضلت أكلم نفسب وأقول
أخرتها أيه السنة ديا
................................
وعملت مجموعة مؤتمرات
عشان الظروف الاقتصادية
وكان مقرها هنا فى الغيط
فى الأرض الخضرا الزراعية
................................
قولت أسس حزب جديد
ويكون مثال للشفافية
وهابنى أول قاعدة فيه
بخبرة جامدة ومصرية
.........................
واول مطالب تتنفذ
هاجدد أنا كل الوزرات
هأبتدى بال .....!!
واعمل لهم زى موحد
هايبقى عمة وجلابية
..........................
وهأخفض أنا كل الأسعار
حتى المواد الغذائية
ووفرت لحم نعام وغزال
وفراخ بتبيض بيضة مشوية
................................
وأعمل لكم خدمات صحية
وهاوفر انا فى الادوية
من صداع للحساسية
وأصناف هاتنزل تانى السوق
مدعمة ومحلية
.............................
وهامنع الدروس الخصوصية
وأخللى التعليم مجاني
والجوايزنقدية
............................
وعامل كمان لجان تصويت
فى الأنتخابات الرئاسية
هاتبقى سهلة ومتراقبة
بخبرة حلوة ودولية
ونطلع بمصر للعالمية
.............................
على الطريقة الريفية
ياريت نوحد أى صفوف
أيد واحدة فى أى ظروف
وخلاص يا مصر
من النهاردة أنسى الخوف
على الطريقة الريفية