سيد أحمد الهمشرى يكتب: اختيارك للرئيس

شوف لمين راح تدى صوتك واسأله واسأل عليــــــــــــــه
واعرف السى فى بتاعـــــــه وناوى يعمل بكره أيــــــــه ؟
شوفوا هايحاسب اللصــوص ولا هايغمض عنيــــــــــــه ؟
شوف ايديه كانت نضيفــــــه ولا فيه سرقه فى ايديـــــــه ؟
واما أكلنا عيش ودقــــــــــــه كان معبى كرشه أيــــــــــه ؟
واما كنا فى الميــــــــــــــدان كان مخبى نفسه ليـــــــــــه ؟
واما هجموا بالجمــــــــــــال والبهايم والبغــــــــــــــــــال
قول له كنت فين ساعتهــــــا لما كنت مش لاقيــــــــــــه ؟
......
شوف لمين راح تدى صوتك واللى راح يستاهله ميـــــن ؟
شوف طباعُه وشوف مبـادءه وشوف رصيده جه منيـــن ؟
واعرف امه مين ابوهــــــا ؟ وامه كانت عايشه فيـــــــن ؟
بص تحت الدقن حبــــــــــــه والذبيبه حبتيــــــــــــــــــــن
قلـّعه هدومه وياريــــــــــــت تنقعه فى فنيك يوميــــــــــن
قول له افعال اللى قبلــــــــــك لسه منها قرفانيــــــــــــــــن
لو لقيته مصرى زيــــــــــــك زى ما يكون ابن حيـــــــــك
بص تانى لشكل عينــــــــــــه شوفه بيبحلق لفيــــــــــــــــن
......
لو لقيت فى عيونه كرســــــى صورته فى عنين البعيــــــــد
والغرور على وشه بايــــــــن للى يلمح من بعيـــــــــــــــــد
اعرف انه ناوى يســــــــــرق التكيه من جديــــــــــــــــــــد
ناوى على سرقة مصانـــــــع السمنتو والحديـــــــــــــــــــد
ناوى يبقى بس هــــــــــــــــوا فى التكيه المستفيــــــــــــــــد
ناوى يحكم طول حياتــــــــــه والرخامه معاه تزيــــــــــــــد
واحنا مش ناقصين مناكفــــــه من رئيس وحكومه هايفــــــه
احنا عايزين ننسى حبــــــــــه ونبدأ العهد السعيـــــــــــــــــد
......

شوف لمين راح تدى صوتك والحكايه مش دعايـــــــــــه
ياما شوفنا دقون وشوفنــــــا بُسترات ملهاش نهايـــــــــه
المهم اللى هايبقـــــــــــــــى قلبه مخلص من البدايـــــــه
واللى هايصون الأمانــــــــه وكل لحظه يكون معايـــــــه
واللى مصر جوه قلبــــــــــه وحبها عنده هوايـــــــــــــــه
واللى ناوى يعلى بيهــــــــــا بالإراده لكل غايـــــــــــــــه
شوف لمين راح تدى صوتك اوعى حاجه فيه تفوتـــــــــك
اختيارك للرئيــــــــــــــــــس هو عنوان الحكايـــــــــــــــــه
......