فيسبوك
واتساب
بيب - بيب - توت – توت
مين حـِدايه ومين كتكوت؟!
مين بيرش حيطانك دم
مين الزاقى غيطانك هم
غازل كل حيطانك غم
عايز يخنق ليكى الصوت
عايز حلمك تانى يموت
بيب - بيب - توت – توت
لسه قاعد عنكبوت
أسود قلبه بـُنى داكن
ناسج توب الشر وساكن
حافظ كل دروب وأماكن
صبح وليل بيعدى يفوت
بيب - بيب - توت – توت
مين حـِدايه ومين كتكوت؟!
مين بيهش ومين بينش؟1
فين البيضه وفين العش؟!
ألف قناع ملبوس ع الوش
زرعوا الشوك بشكل التوت
ثروة بلدى بلعها الحوت
بيب - بيب - توت – توت
مين حـِدايه ومين كتكوت؟!
كتكوت
