فهيم يوسف يكتب: انتخابات الرياسة

الرياسة..
الرئاسة
الكياسة
ياولاد..مين هيترشح للرياسة
عمى احمد
قالوا هيرشحوا للرياسة
وابن خالة بقلظ
قالوا واد صايع سياسة
وأم فيكتور
كان ساكن فى بيتها
بتاع سياسة
برضه هتترشح للرياسة
واما سئلوها
برنامجك ايه
ضحكت بخبث وقالت
خدنا ايه مـ السياسة
حلة بطاطس ..
وكام كبشة .
ارز..وشوية خضار وسلطة
نظبط المقادير
شوية
عدل وياسمسم
رحمة وقرن فلفل
والكل يأكل..
بالحساسه
وكلوا يشرب مـ القزاز
وان حاولنا فى يوم نغير
تبقى بامية ويا كوسة
لكن المهم فى دا كله
هى قلوبنا نويا تبنى
وبفصاحة نويا تمشى
ولا هنعيش نبعتر فى الكلام
وتضيع منا ملامح بكرى
دى تبقى حوسه..
والف حسرة على الكلام