فيسبوك
واتساب
زحف القلم ع الورق
صرخ.. بلدنا
مش لازم تموت
صوت الميدان اشتعل
زلزل قلوب الصخر
فجر التوابيت
زالت الفروق اتمحت
نقط الكلام.. الخوف
ملعون يا سارق الوطن
يا كاذب العناوين
صوت الميدان انطلق
دق البروجى شهــيد
فداك يازرع الوطن
نرويك بدمانا
لكن خايف
من الملاعيين
فى كل زفة بلون
يهبوا مـ العتمة
دول شهود الزور
بيركبوا العجـلة
قلقان عليك ياوطن
خايف على الدفة
وحياة دم الشهد
وثورة العصافير
فـــتح عنيك يابنى
صحصح من الملاعيين
صوت الميدان انطلق
فجر عيون بكرة
ملعون ياهمس الذل
ياعيون.. صدة من العتمة
نور الميدان جمـيل
محلاك ياحرية
دى كل شىء بيهون
إلا ضياع الثورة
الحلم والله جميل
والأجمـــــــــل
نبنى سوى لبكرة
صوت الميدان انطـلق
حلم الصبايا برق
بالكحل وى الحلق
ازينوا للشهـــــد
الشعـــب والجيش
بيكتبولنا تاريخ
بس لامتى نعيش
خايف من الخفافيش
متنورلنا النور
بخاف من العتمة
طول مافيك يا مصر شباب
رجوعنا للخفافيش
مرفوع من الخدمة
رجوعنا للخفافيش
مرفوع من الخدمة
صورة أرشيفية
