عَشر تيام وأعرف تمام
مين اللى جاى لى رئيس
بعد الكلام والسلام والخصام
واللت والعجن والتفحيص
--------
بدأ العد التنازلى يا منظرى
إذا كنت واحد طرى
أو كان كلامى مفترى
أو كان غنى بالكدب والتدليس
---------
كل الكلام حلو وجميل
كل البرامج أهل للتبجيل
كل البدل غاية فى التفصيل
خايفين ليطلع كل دا تدجيل
ويجى رئيس بدون تأسيس
---------
استر يا ساتر يا عادل يا قاهر
على البلد دى من كل خاين
استر يا ساتر يا باطن يا ظاهر
على مصرنا من حاكم جائر
يقول رئيس وملوش ونيس
رأيه لوحده يجلب التفليس
-------
بدأ العد التنازلى عالمى
كل الدول مهتمة بعالمى
م أنا مش صغير ولا قليل مَعلمى
أنا الحضارة ورئيسى كان رمسيس
--------
بدأ العد التنازلى والكل عاز
صندوق انتخاب مش منحاز
لشفيق ولا لموسى ولا لشاهيناز
صندوق رئيس محترم لو فاز
متقمش ثورة تانى يوم تجليس
----------------------------
صندوق انتخابات
مشاركة
اضف تعليقاً واقرأ تعليقات القراء
مشاركة
