إسلام على حسن يكتب: ثورة ولا صينية بطاطس

زى أى يوم عادى بيبدأ معايا من بعد العصر، طبعا علشان بكون لسه قايم من النوم وأول حاجة بعملها طبعا بشوف حاجة أضيع فيها وقتى، طبعا رحت قعدت فى السيبر عند صحبى حسن وعدى الوقت بسرعة ولقيت الساعة داخله على 12 باليل وشفت صحبى حسن قاعد على جهاز جمبى وبيتناقش مع واحد من بلدياتنا مسافر بره وشكله فلول وحسن قعد يقرأ التعليقات بتاعة صاحبنا الفلول وفى النقاش حسن نطق جملة غريبة شوية قال (هما الشباب عملوا ثورة ولا صينية بطاطس) أنا استغربت من الكلمة بس عجبتنى أوى وفكرت فى حاجة غريبة أوى هو فعلا الشباب عملوا ثورة؟

ولو عملوا ثورة فين المكاسب بتاعتها؟
وممكن يكونوا فعلا عملوا صينية بطاطس؟
بس بردو مين اللى أكلها؟
الإخوان........
ولا المجلس العسكرى.............
ولا مرشحى الرئاسة......................