فيسبوك
واتساب
الله الله يا بدوى هات البُشري
مَصرّ ف حمدين.. يا موحدين
ومِنْ له عِنينْ .. يشوف .. يقرا
الله الله .. يا بدوى جاب اليسرى
*******
يشبه لطينها وعَجينْها
فلاح خابزها وعاجِنهْا
ما كلشْ يوم غيرْ ف طاجنها
ملاَّح ومجدافهُ الفُقرا
******
أبوه ماكانشى داوود باشا
ولا امريكانشى بدشداشه
ولا با سشى ايد مرشد.. حاشا
ولا إيدْ أميره.. من الأُمرا
******
مصراوى من ساسُه لراسُه
عرباوى صوُته من راسُه
يشبه لناصر و.. لناسُه
فى العطارين وحارات شبرا
******
الثورة مش عروه تزينُه
ولا عود ورود ف دربزينُه
صبَّاحى مِنَّا.. وعايزنُيه
مالوش بديل والنيل أدري
الله الله يا بدوى.. جاب البشري
صوتنا لحمدين.. علشان بكره
الشاعر محمد العسيرى
