فيسبوك
واتساب
والله لولا الظروف انا كنت اترشـــــــــــــــح
وابقى رئيس محترم وف كل شىء انجـــــــح
عندى كاريزما وكمان عندى ولد واحـــــــــد
هوايته الهندسه والفن والمســــــــــــــــــــرح
......
ولا نفسه يبقى رئيس ولا حتى شيخ عزبــــــه
ولا نفسه يقعد مكانى فى الديوان حبـــــــــــــه
ومراتى غلبانه هوايتها الصلاه والصـــــــــوم
وان سابت المطبخ تحس كأنها ف غُربـــــــــه
......
وكنت احكم يادوب وبالكتير سنتيـــــــــــــــــن
وكل سنه منهم عندى بمقام ثلاثيــــــــــــــــــن
علشان احط الاساس لدوله عصريــــــــــــــــه
وهاحط دستور عظيم للدنيا زى الديــــــــــــــن
......
وهاخلى مصر تكون الاولى زى زمــــــــــــان
ايام بُناة الهرم والمجد للأنســـــــــــــــــــــــــان
وهاعيش فى جلباب ( عمر ) فيه الرقع عشرين
وهاكون فى حب الوطن من عينة ( عثمـــــان )
......
هاصرف لكل مواطن سيف كبير فى ايديــــــــه
لو شافنى خُنت البلد يقطع رقبتى بيـــــــــــــــــه
وان شافنى صدرت نقطة غاز لأعدائـــــــــــــى
يفجر الخط وياخد قلبى فيه يشويــــــــــــــــــــــه
......
وهاخلى نص اقتصاد الدوله للتعليــــــــــــــــــــم
لاجل اطلع شباب واعى وفكره عظيــــــــــــــــم
وابنى قلاع للعلوم زى اليابان والصيـــــــــــــــن
ونفوذ بجايزه نوبل من الألف للميـــــــــــــــــــــم
......
يارب ولى علينا الحاكم الصالـــــــــــــــح
وابعد يارب الفلول والكهل والكالــــــــــح
وبلاش تجيب الدقون عانينا منها كتيـــــــر
وانت شهيد مُطلع على اللى جرى امبـارح
......
صورة أرشيفية
