سامح لطف الله يكتب: ناس بلدنا

الناس فى بلدنا محتارة
بيقولك بيّن لى أمارة
لو تصلح إدينى إشارة
دى بلدنا عايزالها جرىء
***
أنا عندى حِلولِك يا بَطالة
وانا عندى برامج شغالة
والشغل هيرجع يا عِمالة
بخروجكوا نقفل صناديق
***
أصواتكوا أمانة إدّوها
وبكل جد وأمانة أدُّوها
إنصروا لبلادكم ودُّوها
هينوَّر للحق طريق
***
إسمعوا برامجهم وخططهم
إنبشوا ف كلامهم وخيوطهم
ناصبين الشبكة ف زعبوطهم
نتأنَّى ونبص حقيق
***
لو جالك من فوقك تحتك
ويقوللك يا سلام على بختك
دا سنينك جاية وأنتختك
نفَّض له وسَّع له طريق
***
غربلُّه كلامه وكلماته
وسجلُّه آهاته وأناته
سلاماته ف ريحاته جياته
وعاملِّى طاهر وبريئ
***
الفلْم لابد تكون قاريُه
لوحتى يغير ف سيناريو
والفقر لا شافه ولا داريُه
فى طحينه يشدّك لغريق
***
هتبُص لعمله وأعماله
إيَّاك تِنْخَمْ فى أشكاله
لتْطب ف حفرة أحباله
ف الغرقة ولا تلقى صديق
***
حذَّرتك ونصحتك يا ابني
إختار اللى يعلى ويبني
دالفاحت ولاعمره ناسبني
والقلَّة ما تبل الريق
***
ولا تسمع لو قال بحياته
دا راسملك حبله وخيَّاته
وف عسلُه السم ف طيَّاته
هيسيبك لو حتى ف ضيق