فيسبوك
واتساب
لحد إمتى يا بلادى
هتفضلى مشيلانا الهم
كل شمس فيكى غرقانة
والصبح فيكى غم
والثورة طفشانة
والنهر طافح دم
ألف حرس وحرس
من شبابك الزين
إللى ساب الطب
وإللى ساب الصناعة
ما بتغمضلهم عين
بالله عليكى إمتى ننام
نحلم ونصحى
نكتب أغانى
والشمس لو نمنا
نصبح نلاقيها متوزعة
فى كل قبر لم!
لحد إمتى يا بلادى
هتفضلى مشيلانا الهم؟!
لحد إمتى هيتسرق فيكى
دمى وحلمى وأنت على علم
مش هسامحك يابلادى
لو طعنونى فى ضهرى
وقلتى عليه بلطجى
أو قلتى فيه ذم!
علم مصر
