من كام يوم
قاعد وحدى
شايل الهم
أيدى على خدي
فجاة لقيت اودامى فانوس
شيلته فى حضنى
وقومت جريت
بأفتح بابه
لاقيت عفريت
وبصوت عالى قاللى
شُبيك لُبيك تطلب أيه !!
أطلب ريس
يبقى صريح
ومعانا كويس
شُبيك لُبيك تطلب أيه !!
ما أنا قولت يا عم العفريت
عايز ريس
أيه ماسمعتش !
شُبيك لُبيك تطلب أيه !!
عايز ريس
راجل مش طمعان فى الكرسي
وطنى ومصري
مش شرط الدقن ولا العمة
يكون فى ضمير
وشوية ذمة
ويدوقنا حلاوة الثورة
شُبيك لُبيك تطلب أيه !!
شكلك مش فاهم
أيه يا عفريت
ده طلب واحد... بس بسيط
عايزين مصر تكون برئيس
ويكون وافى عليها حريص
ما يخونهاش
وباتفاقية مايبعهاش
شُبيك لُبيك تطلب إيه !!
ليك عندى سبع طلبات
شوف غير ده
لسه طلبك مش موجود
أيه رأيك فى شقة وعربية
وشاليه على البحر فى تركيا
على كام مليار
وكام خزان بنزين وسولار
آسف ...آسف..أيه اللى انا قولته !!
قولت سولار
لوعندك انت هأخد بدولار
حتى أنت يا عم العفريت
عندك ازمة فى البترول
اعمل أيه..
عجبى !! عليكم يا مصريين
على بلدكم مش خايفين
كله عايزها لوحده وبس
مين بيقدر مين بيحس
يا قلة بختك يادى الحظ
صورة أرشيفية
مشاركة
اضف تعليقاً واقرأ تعليقات القراء
مشاركة
