جايين يا سينا استنينا
جايين نعمر أراضينا
راح نزرع الأرض الصفرا
ونبنى قرية ومدينه
-----
مدى لنا إيدك ياحكومة
ونوعدك حنقوم قومه
تمسح دموع المهمومه
وتيجى السفينة للمينا
------
دى سينا والله كنز كبير
فيها المعادن ماليه البير
رخام دهب نحاس قصدير
ساكن بباطن صحارينا
------
يا شبابنا خايف قلبك ليه
آدى إنت شايف عاملين إيه
شِد الرحال على سينا يا بيه
ونبقى عَملنا اللى علينا
------
خلوا الثقه كده فى نفوسكوا
بلدكوا محتاجه جهودكوا
حيوا العلم وارفعوا روسكوا
صحوا الأمل جوه عنينا
------
جايين يا سينا بإذن الله
نزرع ونصنع ونصدر
نسينا سينا وفيها حياه
نعيش ونصرف ونوفر
------
رفع العلم ورفرف فوق
جيشنا البطل بحُب وذوق
عبر القناه خلانا نفوق
من حُزن كان عايش فينا
------
جايين يا سينا جايين جايين
إنشاء الله يا نور العين
فاتت علينا سنين وسنين
ربك يعوضها علينا
سينا
مشاركة
اضف تعليقاً واقرأ تعليقات القراء
مشاركة
اضف تعليق
تم أضافة تعليقك سوف يظهر بعد المراجعة
عدد الردود 0
بواسطة:
احمد محمود المالح
اهلا بيكم
عدد الردود 0
بواسطة:
د. طارق النجومى
كفاية الرقص والطبل والزمر والكورة... راية بلادنا هتبقى بيهم منصورة
عدد الردود 0
بواسطة:
وديع العلاوى
شكر وامتنان