نائب بـ"الشعب": أمى قالت لى قول لـ"الجنزورى" إنى كمان برفض بيانه

"أمى قالت لى قول للجنزورى إنى كمان برفض بيانه"، هكذا اختتم النائب محمد عبد العال، كلمته أمام مجلس الشعب فى تعليقه على بيان حكومة الدكتور كمال الجنزورى، والتى افترض فيها النائب حواراً دار بينه وبين والدته حول حال البلاد فى ظل حكومة "الجنزورى".

بدأ الحوار بسؤال والدته "أنتم ليه يا بنى بتهاجموا حكومة الجنزورى.. ده راجل كويس"، فرد عليها "يعنى عاجبك يا أمى الشباب اللى قاعدين على القهاوى ومش لاقين شغل، والمياه ملوثه، ولا عاجبك لقمة العيش اللى مش لاقينها".

وتابع النائب لوالدته فاكرة "لعبة الاستغامية": جابوا البوليس: لسه.. جابو رئيس: لسه، عدلوا الدستور: لسه، حاكموا المخلوع : لسه، قطعوا المعونة: لسه "... 90 .. 100 ضحكوا علينا الحرمية، وعشان كده يا أمى أنا برفض بيان الحكومة، فردت بقولها "قول للجنزورى إنى كمان برضه برفض بيانه".