سيد أحمد الهمشرى يكتب: الميدان

لما تمشى خطوتين عند الميــــــدان
اخلع حذاءك واحترم روح المكـــان
المكان دا صبح يجوز فيه الطـواف
وصبح يجوز فيه التبرُك بالحيطــان
......
وانت رايح الميدان البس جديــــــــد
خلى كل زياره لما تزوره عيــــــــد
دا احنا ضحينا فى يناير فيه كتيـــــر
لما سال الدم من قلب الشهيــــــــــــد
......
وانت قاعد فى الميدان صلى وسلـــم
الميدان دا فى كل روح فى الدنيا علم
الميدان دا فيه حياة الشعب كلـــــــــه
فيه متعرفنيش مسيحى ولا مسلــــــم
......
لما تنزل الميدان اسأل عليّــــــــــــــه
راح تشوفنى والعلم لسه فى ايديــــــّه
دمى فى قلب الميدان مانشفش لســــه
مش هاينشف طول ما بيدولوا القضيه
......
قلبى وقلبك لسه قاعدين فى الميــــدان
مستنيين نرجع اذا غدر الزمــــــــــان
وكل نقطة دم بتنادى هنـــــــــــــــــاك
انا فى انتظار الثأر من الجبــــــــان
......