اسمع منى أنا عندى كلام
لا هو متلحن ولا أنغام
حاحكى حكاية شاب عجيب
راح باع نفسه للأوهام
أول أمره كان كسيب
كان حواليه ييجى ألف حبيب
ضحكو عليه ولا قالوا عيب
وخدوه لسكة البرشام
قالوا معاه الجرح يطيب
ولا تحتاجش فى يوم لطبيب
ومعاه شمسك مش حتغيب
وتعيش دايما فى الأحلام
أول حبة قالوا هدية
تانى حبة برضوا هدية
تالت حبة بالنقدية
ما إنت وقعت خلاص يا عنيا
وبقيت مدمن للبرشام
وآدى صاحبنا ساب أشغاله
ولا بيشفش حتى عياله
يوم والتانى ضاع راسماله
ولا عندوش حق البرشام
اوعى يا صحبى تيجى رجليك
دا ما فيش حد يسمى عليك
وإن مسمعتش منى كلامى
بكرة الحق حيبقى عليك
صورة أرشيفية
مشاركة
اضف تعليقاً واقرأ تعليقات القراء
مشاركة
