سيد أحمد الهمشرى يكتب: سعد الصغير تانى

صراحة ( سعد الصغير ) عجبنى خط سيـــره
لما لغى انتخابه واخدها من قصيــــــــــــــــره
ولا حد قاله امك ولا حد قال ابـــــــــــــــــــوك
طلع عاقل وقالك خليها لحد غيــــــــــــــــــــره
......
مجمعش معجبينه وعمل بيهم مظاهـــــــــــــره
ولا قال هاتولى موسى اعمل معاه مُناظـــــــره
ولا لزّق بستراته ووسخ الشــــــــــــــــــــوارع
ولا راح للجنه يشتم وعمل هناك مشاجـــــــــره
......
رغم انه كان بصوته ممكن يعمل دعايـــــــــــــه
وقالى هاخلى ( دينا ) تيجى ترقص معايــــــــــه
وجمهوره كبير واصواتهم كتيـــــــــــــــــــــــــر
وهايلاقى الشباب فى صفه للنهايـــــــــــــــــــــه
......
وكان هايخلى جنبه فى الكرسى مستشـــــــــــــار
واحد كفايه خالص فى الليل وفى النهـــــــــــــــار
ويوفر الف واحد من اللى دمه بــــــــــــــــــــارد
ولسه فى كل مطرح وبيقبض بالـــــــــــــــــدولار
......
صراحه ( سعد الصغير) اعقل من ناس كتيـــــــر
وشاهنشاه فى فنه وكمان مخه كبيـــــــــــــــــــــر
وقالوله شيل ( الصغير ) وخليها ( الكتاتنــــــــى )
قال تدفعولى كام علشان هاخسر كتيـــــــــــــــــــر
......
وقال ( سعد الصغير ) انا مش ممكن اغامـــــــــــر
ولا عايز ابقى ( الكتاتنى ) ولا عايز ابقى ( شاطر)
انا كفايه عليه اسعد الناس شويـــــــــــــــــــــــــــــه
فى زمان اغبر وفيه الناس بقت مناظــــــــــــــــــــر
......