لازم أعرف سكتى
إزاى هحقق أمنيتى
لازم أعرف فين هتكون خطوتى
لازم أعرف إزاى هترجع بسمتى
لازم تقولى إزاى هتجف دمعتى
لازم تقولى إزاى هتزرع وردتى
لازم تقولى فين رايحين
لازم تقولى ليه واقفين
لازم تقولى هى الدموع فى عنيه
ليه سيل بيبكى على أرض عفية
لازم أعرف سكتى
فين رايحة خطوتى
لازم أعرف لون القميص والتوب
والوردى يكون خالى من الشحوب
ليه خيوط الشمس اختفت
وليه القمراية علينا بكت
لازم تقولى فين رايحين
كلنا من المعسول خايفين
فى قلوبنا طريق العاشقين
إحنا لسه بالأمل عايشين
لازم تقولى فين رايحين
لازم تقولى فين ورق الشجر
وليه خاصمتنا حبات المطر
وفى ليلة صافية غاب القمر
لازم أعرف ليه أنا هنا غريب
قلبى عايز ألف طبيب وطبيب
لازم تقولى فين رايحين
فين زغرودة الفرحانين
ليه ماتت جوه المشتاقين
أنا فى الطريق بعد الألف واللام
كرهت السكوت معاه فى خصام
النكرة يقول ويزيد بس فى كلام
معسولة لنا يبقى ضباب وغمام
عايز أبقى فارس ومعايا اللجام
قولى سكتى فين بعيد عن اللئام
أنا همشى فى الطريق لو شوك
الأمل فى قلبى له حب وصكوك
لازم تقولى فين رايحين
صخور شايلها من سنين
لازم أعرف معاك سكتى
إزاى هحقق معاك أمنيتى
قولى علشان أبدأ خطوتى
لازم تقولى فين رايحين
الكلام والأمل مش كافيين
إيدى معاك بالعرق بانيين
دى سكتى سكة العاشقين
***
صورة أرشيفية
مشاركة
اضف تعليقاً واقرأ تعليقات القراء
مشاركة
