نشطاء يدعون للتدوين عن النوبة وأهلها على الفيس بوك وتويتر

"اكتب معانا عن النوبة لأن الهم النوبى مصرى" بهذه الجملة دعا عدد من النشطاء فى "اتحاد الشباب النوبة الديمقراطى تحت التأسيس" للتدوين والكتابة عن قضية تهجير أهل النوبة من أراضيهم الأصلية بعد بناء السد العالى، إحياء لذكرى يوم ترحيل النوبيين عن أراضيهم فى اليوم الموافق 18 إبريل القادم.

وجاء فى الدعوة على موقع التواصل الاجتماعى "الفيس بوك " أن النوبة هى الجزء البعيد المنسى المهمش من مصر فى أقصى الجنوب، والنوبة الممحية من كتاب تاريخ مصر والنوبة اللى لغتها بتندثر وغير مسموعة فى أى وسيلة إعلام مصرية.

وأشاروا إلى سبب التدوين عن النوبة فى هذا اليوم على مواقع التواصل الاجتماعى "لأن التاريخ بيكتبه المنتصر، والنوبة من الفئات المهمشة فى مصر لازم نكتب عنها عشان نكتب تاريخ بديل يحكى كل الحكايات اللى شافتها مصر ويبين تنوع وجمال وثراء مصر، لازم نعرف عن القضية النوبية ونبين ازاى فشل السياسات الحكومية فى التعامل معها كانت سبب فى مأساة مستمرة وده إلى جانب التمييز والصور النمطية اللى منتشرة عن النوبيين".