مولد مولد سيدى الريس
شوربة وفتة كله يغمس
كل مرشح عامل زحمة
فاكرين فيها رز ولحمة
مولد مولد سيدى الريس
أى كلام والكل مهيس
النجار والميكانيكى
حتى بتاع الكشرى صديقى
كله مرشح نفسه رئيس
اللى معاه الابتدائية
واللى يادوب دفعته رمسيس
واهى ناقصة كمان الطبال
هلس فى هلس كمان شغال
وبيعمل افلام فى السيما
من غير ولامعنى ولاقيمة
لم الفرقة وجاب توكيل
حلمه الكرسى وراكب فيل
الله يسامحك سدت نفسى
بالزمة ده هايبقى رئيس
ولاكان ليها لازمة الثورة
لو رئيسنا مرشح سيس
مولد مولد سيدى الريس
بكرة هايطلع سواق تاكس
ولا يعرف أول من مارش
ومقضيها ودايما عكس
ايه اللى بيحصل فيكى يا مصر
مش حرية ده استهتار
شغل عيال ده بجد هزار
اه ياخسارتك يا دى الكرسي
ضيعوا هيبتك خلوها عار
مولد مولد سيدى الريس
قرب قرب قبل مايخلص
الحق دورك يالاورشح
واعمل لنا زيطة على موشح
عجبى علينا يا مصريين
خلوا الفرحان يبقى حزين
يالا المولد
مولد سيدى الريس
صورة ارشيفية
مشاركة
اضف تعليقاً واقرأ تعليقات القراء
مشاركة
اضف تعليق
تم أضافة تعليقك سوف يظهر بعد المراجعة
عدد الردود 0
بواسطة:
احمد على
الله عليك والله جامده
تسلم الايادى
عدد الردود 0
بواسطة:
اسامة حسن
قلت كل اللي في نفسنا والله ...................................... وربنا يحلها
ابت
عدد الردود 0
بواسطة:
سامح لطف الله
مولد وصاحبه غايب
مولد وصاحب نصيبه في علم الغيب
تسلم الأيادي
عدد الردود 0
بواسطة:
manman
الحق قبل الزحمه
عدد الردود 0
بواسطة:
محمد على
حلوة أوى يامان