فيسبوك
واتساب
جاء الإخوان مكان
الحزب الوطنى التعبان
اللى كان مدوخنا ومبوخنا
تلاتين عام من الزمان
--------
بيضرب القوانين بالحائط
خايف عليه يصبح ساقط
قدرة ربنا لنا شاءت
ينزاح الوطنى ونعيش فى أمان
---------
بس اللى واضح قدامنا
إن الوطنى خلفنا وأمامنا
نفس اللى لعبُه بأحلامنا
بيعمله فينا الإخوان الآن
-----------
أخدوا الشورى والشعب وبُص
آدى لجنة الدستور بالنُص
بكرة الرياسة يقولك هُس
لينا الرياسة ونوابها كمان
يا عمى دى حكاية طويلة
كل اللى يجى يقولك ليلة
وبعد كده ينشال بالتيلة
بثورة تانية وبموت إنسان
----------
كان نفسنا فى حاجة تانية
عِلم وفكر وذِكر كل ثانية
مننساش الدين والدنيا فانية
يا أهل الدين والقرآن
صورة أرشيفية
