فيسبوك
واتساب
عم يا بتاع البنزين
قولى أنت يرضى مين
أقف فى الشارع طابور
لأجل أمون باليومين
عم يا بتاع البنزين
خليك معايا أمين
وقولى إيه اللى جد
ما إحنا كنا تمام ماشيين
إيه اللى خلى الحال فجأه اتحول
والوقفة بقت ف طابورك بطّول
وبقى الموضوع محتاج يجى يوم
عشان دورى يجى وأعرف أفوّل
قالوا نقص البنزين سببه مؤامرة
من ضمن عقابنا على الثورة
قالوا أعوان النظام السابق
بتاخده وترميه ف قلب الصحرا
وطبعاً من ده مصر المقصودة
لأجل ما تفوقش وتفضل مهدودة
يا خوفى لتطلع يا بتاع البنزين
أنت كمان بتاجرف السوق السودة
وأستبعد ليه والاستغلال
بان منك ف الأزمة وف الحال
غلّيت أسعارك لأجل تخرج
م الأزمة معاك ثروة أموال
ومدام بتفكر ف مصلحتك وبس
ولا كنت بيّا ف الأزمة بتحس
حقك عليّا يا سيدى هغير نظام عربيتى
ومن بكرة هخليها تمشى بالبيبس.
صورة أرشيفية
