سيد أحمد الهمشرى يكتب: أزمة الأمريكان

عملت فيها دكر وانت اسير فقـــــــــرك !
تفيت وبصيت لفوق وقعت على حجرك !
عشر سنين والعيال بيلعبوا حواليــــــــــك
يا كنت نايم يا كانوا بيلعبوا بأمـــــــــــرك
......
حاولت تشطح نطحت اللى اخد أيــــــــدك
عايش على مساعدته ويوماتى بيزيــــــدك
نايم ومادد ايديك من كام سنه يا صاحبـــى
نوم الكسل من زمان ضيّع مواعيـــــــــدك
......
ضيعت مالك ! وحالك من زمان ضايـــع !
وسيبت دقنك زمان للندل والصايــــــــــــع
وسيبت شيخ النوّر يركب على دماغــــــك
وانت شاريه والجبان من كام سنه بايـــــــع
......
القوه مش باللسان لكن بمجهــــــــــــــــودك
وسلاح يصد العدو اللى على حــــــــــدودك
وذخيره تصنيع ايديك مش جايه بمساعــــده
و روح و زور الهرم واتأسى بجــــــــدودك
......
وكمان تكون غلـّتك وقت اللزوم تكفيـــــــــك
علشان مافيش اجنبى يفرض شروطه عليــك
وتعيش فى بلدك عزيز بالعلم والانتــــــــــاج
يومها ابقى مدد فى وش الامريكان رجليــــك
......