قالك إيه قالك آه
قالك مصر خلاص مش راكعة
بس الظاهر نسيت ركعة
حتى شيوخ الكرسى أجازوا
ممكن ركعة كمان لو عاوزا
بعديها هنسجد لله
قالك إيه قالك آه
قالك بكرة هنعمل طفرة
لما نبطل لغة الكفرة
نلغى الدش كمان أبو شفرة
مش هنخالف شرع الله
قالك إيه قالك آه
قالك لجنة ولجنة كمان
استكفينا يا خلق لجان
ولا أى حقايق بتبان
والموضوع جايز ننساه
قالك إيه قالك آه
قالك إن الصبر جميل
وإحنا خلاص هنشد الحيل
بكره هييجى رئيس تفصيل
متوافق من خلق الله
قالك إيه قالك آه
