عمر مرسى يكتب: كل وقت وليه أدان

ياوطن....
خليتنى أدوق الصبر وأسرح ف الغيطان
خليتنى ألوذ بالصمت وأبعد م المـــــــــــــــــــــــكان
خليتنى أشوف الزرقا سودا ف ميتك قبل الطوفــــــــــــــان
حتى شعاع الشمس كان بارد مابيدفيش.. ولا يفيدنيش وأنا معدم جعان
والبرد ييجى يقصنى.. ويرصنى جنب الحيــــــــــــطان
ويجينى كلب يعضنى.. ويشدنى حامى السنـــــــــــــان
له بوز بيشبه بوز شيطان.. أسود طويل زى الغيـــــلان
وودان طويلة مشرشرة.. وعيونه حمرا مدورة
يشتر فيها الشر.. حتى الغدر بان

خليتنى أسد ودانى واسكت وأنــــــــــكتم
أحسم ما أموت م الضرب واركــــــع وانشتم
واما انشتم بتقوللـــــــــــــــى لازم تبتسم
واما ابتسم تنزل دمـــــــــــوعى وتجرى جنبى وتترسم
عالأرض صورة وش شاحب منـــــــــــــــهزم
مكسور ومش قادر ولكن مـــــــــــــــلتزم
صمم إنه يثور لنفسه.. يكسر الطوق اللى لابســــــــه
والوطن يرجع لناسه.. م اللى فرط فيه وداســـــــــــه

وانتفضت وقمت واقف من جديد.. مستعين بالله وعزمى من حديد
خدت تارى وتار بلادى...... وابتدى العهد الجديد
مصر فيه حرة وقوية........ راسها مرفوعه وأبية
واحة خضرا للأمان..... كل وقت وليه أدان