فيسبوك
واتساب
لما تلاقى خدامة صغيرة شغالة
بَاصة على أطفال البيت وندمانة
بتحرق طفولتها ومن صغرها شقيانة
يبقى لسه الفقر مانتهاش !
لما تلاقى بنت واقفة فى عز الليل
مستنية اللى يحمل ويشيل
حتى لو كان مكعبر وقد الفيل
يبقى لسة الفقر مانتهاش !
لما تلاقى بيوت مافيهاش سقف
وطفل مريض قد الكف
وأبوه متشحتف زى البأف
يبقى لسه الفقر مانتهاش !
لما تلاقى ناس كل أكلها دمعة بعيش
وللنوم أوضة للفراخ ماتكفيش
والصبر محتاج صبر عشان نعيش
يا ترى فى حد حيعبرهم ولا مفيش
يا رب هون علينا من التطنيش !!
صورة أرشيفية
