فيسبوك
واتساب
الحكاية مش سولار
الفساد محتاج قرار
جد واضح مش هزار
الحكاية إيد خبيثة
عايزه حلم الثورة يصبح
كوم رماد من بعد نار
لص كان ماصص فى دمك
باع ضميره بالدولار
**
جوا خبزك حط سمك
كان بيعشق زرع همك
نفسه ابنك يبقى تايه
جوا ضلمه ليل نهار
لمّا غاز أو جاز يجف
المكن إزاى يلف؟!
عايز عقول فينا تخف
والحياه تصبح مرار
الحكاية مش سولار
**
الحكاية دا الحرامى معاه فريقه
خلا نورك راح بريقه
خلا مجدك ساب طريقه
بس ابنك هب ثار
من جلادينه خد بتار
قلب فرعون صار شرار
كان بينحت ع الجدار
للوريث خط المسار
الوطن يصبح ممالك
عرش ابنه بر سالك
واحنا نفضل مربوطين
نشرب الميه احتكار
الحكاية مش سولار
**
لمّا حلمه صار سراب
قال عايزها تكون خراب
فيها يزعق صوت غراب
غاز وجاز والعيشه طين
هم غم ومخلوطين
يقولوا عهدى كان عمار
والثورة تسقط فى المدار
الحكاية مش سولار
صورة أرشيفية
