فيسبوك
واتساب
الفقير قال يا صراخى
حتّى إنتى يا فراخى؟
قلنا بيضة مش مهم
والوزير ليه حبله راخى؟
***
البحور حوالينا ياما
بدرى والله ع القيامة
والسمك ف النيل توحش
والفقير يلَّه السلامة
***
الوابور مش لاقى جاز
بنتى عايزة ف يوم جهاز
والطابور واقف لبكرة
إسرائيل تطبخ بغاز
***
أصل عقلى منى خرَّف
قالوا طق وقال تطرف
قالوا فقرك منه فيه
ف الأمم إنتا مصنَّف
***
دخل يومى ون دولار
فول ومش يجيب زحار
تحت خط الفقر واقف
غطى راسك م الغبار
صورة أرشيفية
