يا أمايه لو عدوا الحصى والرمل
حبك فى قلبى ع العدد يطغى
ولو جبال الهم فوقى حمل
ابقى فى حضنك ع الهموم أقوى
فى فراقك الدمعة عليكى تحن
والفرحة تطرح فى القلوب مرة
وابقى على حب اليدين هجن
وأكره غيابك لو ثوانى اكره
واعشق حنانك مهما يبقى السن
ولا يزيد العمر من بكره
يا طاهرة طهر الفاتحة لما ترن
من صوت قاريها كل ما يقرة
برضاكى صدرى ينشرح ويكن
والجرح لو شاح بالألم يبرى
يا غالية دانتى فى العيون النن
وأحن منك قلبى ما يدرة
وأنتى اللى يدك بالعطا ما تون
من عينى تمسح كلمتك عبره
وانتى اللى لما تسمعينى بآن
ليلك يطول لما تجبرى الخاطرة
عالى مقامك فى النفوس ما يقل
قضيتى عمرك ع التعب صابرة
تسلم كفوك فى الحاجات ما تمل
دايما سخية فى كل خير حاضرة
يا أمايه دانتى المية وانتى الضل
خيرك علينا كد ما قادرة
واسمك على كل الأصول بيدل
وأنتى لجنة ربنا بشره
صورة ارشيفية
مشاركة
اضف تعليقاً واقرأ تعليقات القراء
مشاركة
