تحية ليكى يا أمى
يااللى ياما شيلتى همى
تحيه ليكى يا غالية
يااللى حبك بيجرى ف دمى
تحيه ليكى يااللى رضعتينى
ومن حبك وحنانك ياما سقيتينى
تحيه ليكى يااللى ياما كتير
حاجات حلوة ولعب جبتيلى
تحية ليكى يااللى ياما إرتحت
ف حضنك وذاكرتيلى لحد ما نجحت
ولحد النهاردة لسه بتخافى عليّا
كإنى صغير مع إنى بقيت شحط
تحية ليكى ياأمى فى عيدك
تحية من ابنك ضناكى حبيبك
تحية ياغالية وميت ألف بوسة
على راسك يا أمى وخدك وإيدك
تحية ليكى ياأمى وحقك عليّا
سامحينى لأنى ماجبتش هدية
أصل عيدك جاى آخر الشهر
وأنا بصراحة خلّصت المهية.
صورة ارشيفية
مشاركة
اضف تعليقاً واقرأ تعليقات القراء
مشاركة
اضف تعليق
تم أضافة تعليقك سوف يظهر بعد المراجعة
عدد الردود 0
بواسطة:
عبداللطيف أحمد فؤاد
يا سلام عليك يا رامى يا حلو
عدد الردود 0
بواسطة:
علياء عريشه
مولاتى
عدد الردود 0
بواسطة:
سحر الصيدلي
حب ووفاء
عدد الردود 0
بواسطة:
سامح لطف الله
تسلم ايديك