فهيم أحمد يوسف يكتب: حضن مصر ..هيحميكوا..!

تعب الكلام فى الحلق
ومســـــخت العناوين
كترت فلوس الغرب
ياهل ترى
دولارتكوا.. بس لمين
جـات الدراهم تجرى
وسخنت الريالات
سئل الدينار فى لهفة
هتحولوها لمين..؟!
ردت حلوق البشر
للمرضى والجعانين
والجهل ويا السكن
ونغير العناوين
من مقابر زينهم
والدويقة..
ومقابر البساتين
رد ..الدولار بقرف
لأ ..مش لاعبين...!!
شهق الريال ..
اتنفــــــــخ
وين تجولوا رايحين
لا والله
كلام ما يصير
ليش كده ياخواجه
هنعطى المصارى لمين..؟!
دولا..
هيبنوا الوطن
والله كلام ما يصير
احنا بندفع دراهم
حتى يزيد الجهل وى المرض
ومعاهم الدنانير
وتزيد آهات الالم
تنسد
بيها الطرق
وتوسع الانقسامات
عشان ماتكبر بلادنا
لازم بلادكوا تضـــــيع
مصـر لسنين ..الأم
والحضن هو الدفى
واحنا سنين اقزام
المفهومية فى مصر
والجدعنه فى بولاق
الطيبة وى الكرم
والنعمة فى الوراق
بأدينا نبنى الوطن
لو حتى ..( بالغلقان)
بأيدين شبابنا
بنات مع جدعان
بأيدهم السمر
وقلوبهم الخضر
يمسى علينا الليل
ونصحى فى أسوان
هنا التاريخ انكتب
بالدم وى العرق
من مصر للسودان
ماتفرقوش الهمة
وتقطعــــــــوا الأوطان
ياصرة الدنانير
يا مفرقة الجماعات
منفوخة ليه
علـ.. الفقرا
يا جزمة الدولارات
عايشين لوحديكوا
ماتفرحوش بالديب
فاكرينوا حاميكوا
ولا.. شبع أهليكوا..
والله ما يحميكوا
غير حضن مصر
هو اللى يحميكوا
غير حضن مصر
هو اللى يحميكوا