حمدى يوسف يكتب: آسف

قالوا دا أهلى .......
قلت دا مصرى وشاب أمير
وعقد شراكة بين الظلم
وعدل ف بير..!!
أهله.. وأهلى ويا زمالك
مصرى أسير
سنجه ومطوه ويا عباطه
وكام خنزير..
ولا إزازه ويا تفاهة وندل حقير

سلم قلبه.. سلم عقله
بنص إزازه وربع شعير
ف أرض بواسل نصب الخيمة
لجل مايكسر بينا وبينهم
قله وزير ..
والله يا مصرى إنت وأهلى
ضحية لغدر وظلم كبير
دمى الأحمر... علمى الأخضر
وروح بترفرف عبر أثير....
وأنا متمسمر جوا العلبة
وقاعد جنبى ألف وزير
واللى يشخبط واللى يخبط
واللى بيهجى زى جرير
واللى بيفتى واللى بيلطم ولا يولول
زى الدبة ف قلب البير....
سابوا الفاعل ويا مشاعر
حزن وهم ورب كبير
سابوا الراس ويا الديل
تجرى وترمح زى الخيل والخنزير
فتح عينك تاكل علقه وكام جنزير
فتح عينك تاخد طلقة وتبقى ضرير
والله يا خلق دا أكل الملبن صعب مرير