فيسبوك
واتساب
سعر الشهيد قدروه بالعافية كام ملطـــــــوش
أما الجريح والمصاب عايزين يقولوا مالوش
وتكرم (العريان) وقال ياخد كمان سبعيـــن
من إمتى كان الضنى تنفع مكانه قــروش ؟؟؟
.......
دا الدم اللى نزف معندكوش منـــــــــــــــــــه
ولو تتقلوه دهب دا مش عوض عنــــــــــــــه
دا لولاه ما كنتم ولا كانت كراسيكـــــــــــــــم
وخاب فى كل الدقون والمسلمين ظنــــــــــــه
.......
لولا الشهيد كان زمانكم فى الجحور لابديــــن
وكان زمان الغجر فوق قلبكم راكبيـــــــــــــن
وكان زمان (الكتاتنى) بيك ورا القضبـــــان
ولما مات الشهيد كان (الكتاتنى) سجيــــــــن
.......
خيبتوا عشمى وأنا جدى من الإخـــــــــــــوان
وهرب فى يتنا (النديم) من الخديوى زمـــان
ورحت عند اللجان واديت لكم صوتـــــــــــــى
بكره هاروح اسحبه وانزل على الميــــــــــدان
.......
مكنش عشمى اشوف على روح شبابنا مــــزاد
اللى لولاه كان زمان مطرحكم القـــــــــــــــواد
و( عز ) افندى اللى لسه مصانعه شغالــــــــــه
مكسبها ساعه يزيد عن ديـــــــــــــــــــة الأولاد
.......
خيبتوا ظنى وخيبتوا العشم فيكـــــــــــــــــــــــم
لولا الأدب فى الكلام أنا كنت أهجيكـــــــــــــــم
واهجى رئيس الوزارة واخلى الشعب يكرشكــم
ونجيب شباب الميدان يملى كراسيكـــــــــــــــــم
.......
و(أكرم الشاعر) أبو (مصعب) قولولوا بكام
تدفع فى (مصعب) ويرجعلك معافى تمـــــام ؟
والله كان يفتديه بكل أموالــــــــــــــــــــــــــــــه
وأديكوا شوفتم دموعه حقيقة مش بكـــــــــــــلام
.......
وبكى (الكتاتنى) وبكينا للجريح (مصعــــ)
ودعينا له بالشفا ومعدش يوم يتعـــــــــــــــــــب
ايش حال بقى اللى ابنهم تحت التراب مدفـــــون
ونفسهم الأجل من فرقته يقــــــــــــــــــــــــــرب
أحداث بورسعيد
