راضى على الطهطاوى يكتب: اللهو الخفى

مين اللى عايز يكسر قلوبنا؟! = وعايز الثوره تروح تختفى
مين اللى سالب ومين اللى ناهب؟! = وخلا المواطن داير حفى
مين اللى سابنا فى عز الشتا؟! = واتغطى بهدومـــــنا ودفى
مين اللى واكل قوت ولادنا؟! = ومالى الكروش وعــــــفى
مين اللى كان تعلب وماكر؟! = وأصبح بيلبس قناع الوفى
مين اللى نافق ومين اللى وافق؟! = وقايل لكل الغلابه اهـتـفى
مين اللى زارع شوك المرار؟! = واللى عايز نور بلدنا ينطفى
مين اللى قايد نيران الفتن؟1 = وقايل للعيـــون اطرفى
مين اللى كاره صوت العداله؟! = واللى قايل يا جرايم اعزفى
مين اللى غاظنا وبايع فى غازنا = يتاجر فى جازنا وأرغــفى
كل شئ باين وواضـــــح = قومى يا لجنه شوفى انصفى
وألف لجنه بعد لجنـــــه = وكل لجنه بالإدانه تـكـتفى
دا الطرف تالت يا بلــــدى = ينده مشاكـــل اعصـفى
نفسه المراكب بينا تغـــرق = وتتوه مــــعالم أحرفى
مين اللى حاقد ع الــكرامه = وعايزك بـــلادى تنزفى
الطرف دا مــــين ياناس ؟1 = فينك إجـــابه تسعفى
هاتوا الضيوف تملا البرامج = واحكى يا جرايد واوصـفى
دا الشهيد هوا المُــدان = ونزيهه يا لجنه وليه تحلفى؟1
سابوا الفلول وقالوا الحلول = هوا أكيد " اللهو الخــفى"