مستشفى السجن بقت حاجة شيــك
علشان بس نبطل تلكيـــــــــــــــك
غيّرنا الأبواب والشبابيـــــــــــــك
وعملنا الأرضيات سيراميـــــــــك
وغسلنا الأرض بمية نــــــــــــــار
وعملنا كمان وجبات كافيــــــــــار
والأكل سوتيه وكبد وخضـــــــــار
والسلطة عليها ليمون وخيـــــــــار
وغسلنا هواها بربسو كتيــــــــــــر
والعطر كمان لزوم المناخيـــــــــر
ومافيش دبان ولا فيه صراصيــــر
وعملنا جناح للباشا خطيــــــــــــــر
ماهو أصل الناس مخلوقة مقامــات
حتى المساجين طبعا درجـــــــــات
ماهو فيه مسجون سارق ميـــــــات
عيب يتساوى براس البشـــــــــوات
وعملنا الخلوة لزوم الكيـــــــــــــف
وجاكوزى يبانى جميل ولطيـــــــف
و وصيفة كمان لسوزان و وصيــف
وعملنا أصول إكرام الضـــــــــــيف
والضيف طبعا مشهور وزعيــــــــم
ولو إن الناس بيقولوا لئيـــــــــــــــــم
وماهوش عيان والقلب سليــــــــــــم
لكن ربك بعباده عليــــــــــــــــــــــم
وعملنا عناية بعــــــــون الله
فيها الشايخ يرجع لصبــــــاه
ودكاتره بطول الليل ترعــاه
قادر ربك يخده لقضـــــــــاه
سجن طرة
مشاركة
اضف تعليقاً واقرأ تعليقات القراء
مشاركة
اضف تعليق
تم أضافة تعليقك سوف يظهر بعد المراجعة
عدد الردود 0
بواسطة:
نشأت النادي
قوية
إنها ترنيمة قوية في وجه العصابة المفترية
عدد الردود 0
بواسطة:
ابوحمني
يخساره
عدد الردود 0
بواسطة:
عـلي عبدالحميد قاسم
الأصول