يا أجمل قلم فى أحسن مقال
بكلامك تسهل الصعب المحال
فى كل صفحة بقرأ لك عامود
بترسم ضحكة على كل الخدود
باهديك سلامى وأجمل ورود
سلام ياجلال
يا ابن مصر يا ابن الحلال
دايما تعبر.. على طول تفسر
فى كل المجال
بحبك بقلمك.. فى فرحك فى ألمك
سلام ياجلال
كان حلمى أشوفك.. وأسلم عليك
وأول ما شوفتك
بأقولك سلام
بأطيب روايح للجنة رايح
الله يرحمك ويثبت خطاك
فى جنة نعيم هاتروح هناك
سلام ياجلال
كنت الحقيقة كنت الخيال
كنت الأمل فى أجمل مجال
تحية من أخوك.. من ابنك وأبوك
وباقول خسارة
على اللى ما يعرفوك
سلام ياجلال
فرحت معانا حزنت لبكانا
بادعيلك من قلبى.. ياريتك معانا
تخفف تعبنا وشقانا
سلام يا جلال وهاتفضل معانا
سلام ياجلال
جلال عامر
مشاركة
اضف تعليقاً واقرأ تعليقات القراء
مشاركة
