لمن يهمه الأمر
يا كل ثــــــــــائر ف الميدان يا كل صوت ف البرلمــــــــــان
الدماء ســـــــــــالت غزيرة والدموع ملو المكـــــــــــــــــان
ارحموا مصر الجريحـــــــة وابتروا الزمرة القبيــــــــــــحة
اللى بتخرب وتـــــــــــحرق واللى بتــــــــــــــــهدم وتسرق
واللى بتقتل واللى بتدبــــح واللى ضد الثورة تسبــــــــــــح
عاوزة مصر تكون خــرابة للكلاب ويا الديـــــــــــــــــــــابة
والوحوش الآدميـــــــــــــة معدومين الإنسانيـــــــــــــــــــة
دمنــــــــــــــا ملطخ إيديهم والشرر جوه ف عينيـــــــــــهم
والأمان ضـــــــاع من بلدنا والسؤال ف عيون ولادنـــــــــا
بابا إمتى تخلصونـــــــــــــا دول خلاص حايموتونـــــــــــــا
إنتوا ليه سايبينــــــــا ليهم صيدة سهلة بين إيديـــــــــــهم
والسؤال مالهوش جـــواب كل شىء أصبــــــــــــــــح سراب
والخطى عالأرض تــــاهت والكوارث لينـــــــــــــــــا لاحت
وابتدت من بورســــــــــعيد والنيران فضــــــــــــــــلت تقيد
تاكل اليــــــــابس والأخضر فـــــــــــوق من السبعين شهيد
مين حايـــــاخد دول بتارهم شوف شبــابهم شوف صورهم
لســــــــــة فى عمر الزهور واريناهم ف القـــــــــــــــــــبور
نفسى أعرف مين قتـــــلهم واللى خطط واللى جــــــــــالهم
لو عدمتـــــــه مش حايكفى ولغليلى مش حــــــــــــــايشفى
القصــــاص منهم ضرورى قبل مــــــــا اخرج عن شعورى
الألم جوايا ســــــــــــــــاكن والدمــــــــــــــاغ واقف وراكن
احموا مصر وطهروهـــــــا م اللى عــــــــــاوزين يحرقوها
قبل ما يجينا الطوفان
استاد بورسعيد التى أودت بحياة مشجعى النادى الأهلى
مشاركة
اضف تعليقاً واقرأ تعليقات القراء
مشاركة
