فيسبوك
واتساب
دليل الإدانة
خيانة الأمانة... تكدب وتخدع
بنومك قصادنا
وأكبر دليل... وجودك معانا
دليل الإدانة
فلوس الخزانة... تنغنغ فى نفسك
تهيص وتصرف... ونفضل حزانى
وأنك كنت ريس
ماكنتش كويس... بتظبط فى ناس
وتدلع فى ناس
وتمحى الغلابة
وتحرقهم بجاز
عشان كنت ظالم... والاسم حاكم
مدورنا فى سواقى... متوه دماغنا
وربنا عالم
دليل الإدانة
لبن من باريس... ولحم النعام
بطيارة خاصة... وده شىء مش رخيص
بنيت المغارة... وحواليك الأربعين
بتهرب سبايك... وتلبس فى لولى
وشعبك يموت... ويوحل فى طين
مقسمها عصابة... أساس الخرابة
كانت ليك جمهورية... واخدها لنفسك وللمحسوبية
كل اللى شوفناها... فى حكمك كبارى
وأقول بكره يظبط... وأسكت وأدارى
دليل الإدانة
بتسمع نواحنا... ونصعب عليك
مايرضيكش حالنا... وتزود جروحنا
ورغم اللى فينا... ما بنقولش آه
حكمت علينا... نسمع كلامك
ونرفع أيدينا... ونقول كمان الله
مؤيد معارض... مابنزرعش رز
ونهر النيل فى فايض
عشان ناسى شعبك... وجه اليوم ياباشا
ونقدر نلاعبك
دليل الإدانة
مبارك
