سيد أحمد الهمشرى يكتب: جلال عامر

لا يا جلال.. أنا كنت مستنى المقــــــــــــــــــــــــــــــــــال
وسألت قالوا فى العناية صحتك والنبض عـــــــــــــــــــال
فين هالاقى حد تانى فى كلمته السحر الحــــــــــــــــــــلال
وفين هالاقى قلم شريف زى الرصاصة فى القتـــــــــــــال
وفين هالاقى ضحكتك ساعة ما تسرح بالخيــــــــــــــــــال
كان نفسى أشوفك كل يوم فى (المصرى) ويدوم الوصــال
.......

لا يا جلال طب كنت قولى قبل ما تلم الشــــــــــــــــــراع
قولى إنك أنت نويت وهاتقول الـــــــــــــــــــــــــــــــوداع
أنا عهدى بيك عند الخطوب دايما شجــــــــــــــــــــــــــاع
ورفضت بيع قلمك فى يوم ما الكل بــــــــــــــــــــــــــــاع
وكان عمودك كل يوم عامل لأعدائنا صـــــــــــــــــــــداع
علمتنا نفضل أسود مهما ابتلينا بالضبـــــــــــــــــــــــــــاع
.......

كل السطور لبست حداد وأنا والحبايب حزنانيـــــــــــــــــن
وكل جرنال فى البلد كان نفسه منك كلمتيــــــــــــــــــــــــن
أبكى عليك ولا أبكى على زمنى الحزيــــــــــــــــــــــــــــن
ولا أبكى على الوطن اللى فيه زهرة شبابه مجروحيــــــــن
ولا أبكى على ألفين بطل فقدوا فى هواه نور العنيــــــــــــن
ولا أبكى على مجلس مماطل؟ واشتكى المجلس لميــــــــن؟
كان لسة بدرى يا جلال طب كنت خليك حبتيـــــــــــــــــــن