فيسبوك
واتساب
عملت لنا إيه الثورة يا عزيزى؟
غير شوية بجاحة فى تلاميذى
على شعارات مكتوبة فى كراريسى
عملت لنا إيه الثورة يا معين؟
غير شوية ضحك فى محاكمات الملعونين
والفرجة على مسرحيات برلمان المنتخبين
ومحاكمات عسكرية تتطبق على المدنيين
عملت لنا إيه الثورة يا جدع؟
غير الشهداء اللى ماتوا من الوجع
وبلطجية اتعموا من كتر الفجع
عملت لنا إيه الثورة يا شباب؟
غير حرامية بيخبطوا على الأبواب
وتشى جيفارا على الكوفية والكاب
حرية ولسه ما لقيناهاش
عدالة ولسه ما شوفنهاش
قولى جبت حق الشهداء ولا ماجاش؟
يبقى يا الثورة مستمرة.. يا بلاش!!
ميدان التحرير
