هشام فتحى يكتب: من فلاح مصرى شقيان إلى النائب ممدوح إسماعيل

الثلاثاء، 14 فبراير 2012 07:25 م

ممدوح إسماعيل

أنا قلت حى على الصلاة
وسمعت حى على الفلاح
فى البرلمان
وأنا نفسى
أشوف وامسك
رغيف العيش وحبة برتقان
ما هو كل وقت يا أبوأسماعيل
وله أدان
دانا لسه واخد إبرة
من بيت الجيران
علشان أخيط هدمتى
وأحط رقعة لشملتي
والبرد واكل جتتي
والبيت حطانه جنب سور المزلقان
وما فيش حيطان
دانا لسه واقف
بين طابور العيش
وفاطمة تهزني
وتقول يا أبويا
تهزنى
فين الرغيف
فين العروسة والفانوس
فين الحصان
ما تقول لفاطمة
يا أبوأسماعيل
فين الحصان
ما هو كل وقت وله أدان