نصر فتحى اللوزى يكتب: أبو العربى

أبو العربى أسطول جدعنة وكرامته منارة
تاجر بمبوطى صياد وحلوانى آخر شطارة
بعد كل صلاة فجر مخ سابق للخير سنارة
يشكر ربنا فى الرزق ماتكسروش خسارة
فى الحرب تلاقيه فدائى وقلبه كله جسارة
إذا لمح خطر قلبه أسد مايستناش صفارة
مضياف كريم نزيه شهم زى ساقية دوارة
يحب ضيفه أصالته من جذور ولاد الحارة

بورسعيد من بعيد تشوفها عروسة نوارة
ياما ناس لبسوا من أياديهم وبقوا كبارة
بورسعيد فى التاريخ مجد وللكرامة فنارة

***
البورسعيدى وطنى مايقتلش أبدا أخوه

ولا يهمه قرش الحرام مهما له زوقوه
يخاف ربنا حافظ على مجد جده وأبوه
سفاين العالم بترسى على شطه حبوه
أمان وكرم وذوق فى بورسعيد يلاقوه

بكل لغات العالم لبالب للسايح يكلموه
على السمسمية حبهم لمصر لينا يغنوه
تاريخ بلدهم موال بالحب لمصر قالوه
من خيوط شمس الأمل قفطان نسجوه

ياما الغيرعلى شهامته وكرمه حسدوه

***
دم ابنى بيصرخ بيقول قتلنى الملاعين

يا ابنى دمك فى رقبتى حق لو بعد سنين
أخواتك شايلين شموع فى ليلنا الحزين
بيفتشوا معانا على قاتل القلوب الطيبين
أعمامك أخوالك فى مواقفهم مش ساكتين

فى دور العبادة كلنا بندعى رب العالمين
يحفظ لنا مصر وأنت فى جنة الخالدين