فيسبوك
واتساب
أنا البورسعيدى
اللى عمرى بإيدى
ما اقتل ابن بلدى
اللى دمه بيجرى ف وريدى
أنا البورسعيدى اللى زمان
وقفت ببساله ف وش العدوان
أدافع عن تراب بلدى
وماكنتش يوم أبداً جبان
أنا البورسعيدى أبو العربى
وطنى درجة أولى وبحب بلدى
وبفهم ف الأصول وعمرى ما اغدر
يوم بضيف موجود عندى
أنا البورسعيدى برىء
ومهما كان حبى لفريق
مايخلينيش أقتل ابن بلدى
بمخطط خسيس وواطى ودنىء
أنا البورسعيدى حزين
زى كل المصريين
على كل أخواتنا اللى ماتوا
وبدعيلهم يدخلوا الجنة قولوا آمين.
صورة أرشيفية
