فيسبوك
واتساب
مين اللى قال للعسكـرى يمـشى
سـتين سـنة والعسـكرى
واقـف بيحـرسـنى
بيعـد أنفاسـى
راصـد حركـاتى وسكـناتى
شـايلى حـريتى
ف جـيبه اليمـين
وف إيده طلقـة رصاص
أوقات بـيفـتح جـيبه
أوقات بـيفـتح إيده
يلعب معاية لعبة العبد وسيده
بس بأوامره وبشروطه
هو اللى يرمى الـزهر
مرة برضا ومرتين بالقهر
وف كل مرة يلعب نفس الدور
مين اللى قال للعسـكرى يمشى
سـتين سـنة والعسـكرى
واقـف بـيحرسنى
فارض وصـايته
وبيقـرا أفكـارى
يلمـح بشـاير تحـول
ف التو يفرض حظر تجول
يسبقنى يفـتح سـجونه
يمـلك زمـام أمرى
يربط سنين عمرى بفـتلة
ويشـدنى لـدايرة
متـفصلة مخصـوص
وبروجى يضرب فوق ماتحلمشى
مين اللى قال للعسكرى يمشى
سـتين سـنة والعسكـرى
واقـف بـيحرسنى
راسم خـريطة للـوطن
على قد البـدلة الكـاكى
توسع بيوسع معاها الـوطن
لما الوطن أحلامه تصـغر
بـيعلقه ف عـروة جاكـتة
يكـويها بالفودرة
ويخـرج ف تـشريفة
يضرب سـلام للشـهيد
مين اللى قال للعسكرى يمشى
ستين سـنة والعسكرى
واقـف بـيحرسنى
شايل طموحى وحلمى ف علبة بلاستيك
متمـسمـرة ع الحـيط
يفـتحها مرة كـل عام
ينـده تمـام
وبسـرعة يقـفل
تـتـنفس الأحلام هـوا
يغمى عليـها
المشير طنطاوى
