فى موقعة بورسعيد شوفت الفلول حاضريــن
وكل واحد معاه سنجه وسبع سكاكيــــــــــــــن
والأمن تايه ما بين حلق وماتحوشـــــــــــــــى
وشباب بيصرخ صريع لكن تقول يا ميــــــــن
.......
فى موقعة بورسعيد كان الضمير غايـــــــــب
وكل مسئول كبير طلع هناك خايـــــــــــــــــب
واتهموا فى الالتراس والالتراس مظلـــــــــــوم
والعيب ماهوش فى الشباب العيب على الشايب
.......
فى موقعة بورسعيد كان الخداع موجـــــــــود
والثعلب اللى انطرد عايز لجحره يعــــــــــــود
وكل ثعلب خبيث خلف البيبان هربــــــــــــــان
عمل عمايل ليلتها تشيّب المولـــــــــــــــــــــود
.......
فى موقعة بورسعيد كان الشباب بيمـــــــــــوت
مابين ضمير فيه عطب والضرب بالنبــــــــوت
والغدر بالأبرياء طايح فى كل مكــــــــــــــــــان
مستكترين على الشباب ليلة بفرحه يفـــــــــــوت
.......
فى موقعة بورسعيد شوفت الوطن مهمـــــــــوم
والحزن حاطط عليه والحزنانين بالكـــــــــــــوم
وعزرائيل الدموع ماليه عنيه الاتنيـــــــــــــــــن
صعبان عليه الشباب اللى اتقتل مظلـــــــــــــــوم
.......
فى موقعة بور سعيد قالوا مافيش تقصيــــــر
فاكرين بأن الكلام بيوجهوه لحميــــــــــــــــر
مسلسل القتل فينا من زمان شغـــــــــــــــــال
علشان فى قلب الميدان نادينا بالتغييــــــــــــر
.......
أحداث بورسعيد
مشاركة
اضف تعليقاً واقرأ تعليقات القراء
مشاركة
اضف تعليق
تم أضافة تعليقك سوف يظهر بعد المراجعة
عدد الردود 0
بواسطة:
رامى محمد زين
جميل
شعر جميل جداً مع خالص تحياتى وتمنياتى لك بالتوفيق
عدد الردود 0
بواسطة:
وديع العلاوى
مبدع
عدد الردود 0
بواسطة:
ريماس محمد
كفاية كدة
الشعب المصرى عان كثير لذلك علينا ان نقول كفاية كدة