سامح لطف الله يكتب: كان عندنا ريس

كان عندنا ريس
بقوا تسعتاشر
عتمان وقالوا كبر
بقوا تمنتاشر
بيمرروا القوانين
وشيلاه يا مجلسنا
وإن قلنا كفاية يا ناس
جنوده تحبسنا
صرختنا ضد العسكر
ما حد يسمعها
نملا الميدان أدانات
ومالطة فى دلعها
سَدوا الودان بصباع
غطى الوشوش جلاليب
مش ناقصة منكوا صداع
لو يدعى نوح لا مجيب
بيقولوا بكره هنمشي
ولا حد هيصدق
كدبوا كتير مفهمشى
والوقت منى بيتسرق
والديب يقولك لسه
حسنى ما زال الريس
لا حد هش البسة
ما قطعنا عرق كويس
***
يا ثورة فين قوتك
تسيبى ليه الدفة
تسيبى كورة ف إيدهم
والهم يملا القفة
هنقسموا نفسنا
ونقولوا غزة وضفة
وناس بتظهر لنا
وناس كمان تتخفى
وناس تعيش فى الطل
وإخواتها شايفة وعارفة
فينك يا عدل الناس
دا ميزان ومالت كفة