لا صـوتَ يعلـــو فـوقَ صـــــوتِ الهــرتلة
أصبح مافيش ف بلدنا غير إشاعات وبس
مين سب مين ومين بمين فـــاجأة اختــلى
ومين قعـــد مع مين وإيه قـــال له وهمس
الحــق تاه وســــط الضــــــلال اللى اعتلى
عــــرش الضمير والأمـر ف عقولنا التبس
الكيل طفــــح بالبـــــرد والخـــوف والبــلا
والقهــــــر جيشه فوق رقاب الناس دهس
ياخلـق هــــوووه يا مسطـولين بالمهــــزلة
الليــــل طليق ونهـارنا وحده اللى اتحبس
ياكــــل عشـــاقها اللــى بايتين ف الخـــلا
أنتــو اللى بيكـــوا مصــــر بتحس بـ ونـس ؟!
عدد الردود 0
بواسطة:
ناديه الشافعي
الليــــل طليق ونهـارنا وحده اللى اتحبس ...